Hari ini yang indah...

9 Februari 2010..Harinih supo biaso aku tido tok berapo leno, tok jenok mano kato ore kelate.Maklumlah kelmarin sari tumah duk bowok mutor jalan2 keliling panji dan pulau melako(berhampiran umah MB),sajo gi derat2 sambil tengok setakat mano kereto aku dah disiat2 kulit nak tukar kulit baru(cat).Sapa sano ingat nakgi sebetar jah ruponyo pehe diri lah gi dgn ore tino ,bilo jupo puok dio buka cito tu ,buko cito nih.alamak tengok jam dh nak ngorib.Pastu balik singgah pasar male,perancangan nakgi jale pasaraya bilal nkgi cari seluar dale tok sempat huhuhuh.tp takpo nak puaskan hati bini gi pasar male,sambil2 carikan makanan,terpelewok belake bowok motor.

Harini pukul 1.30 pg, mato terbuko tak nero tido,pastu tido semula sedar pulok pukul 3 tok nero nak tido balik, aku ambik remot astro buka channel ZEE TV, best giler tgk Hindustan male2 yolah kalu siang dan dinang hari tokleh tengok jenok mana TV sbb berebut remote nge bini aku.Pas habis cito,pukul 5 pg siap2 nkgi balaisoh.bowok muto kena hambat ko peronda polis sbb tok pakai topi tp alhamdulillah sbb nkgi jado tok ime dia tok same lah aku pagi ni,haha..balik umah buat NesVite pastu tido sedar2 pulok pukul 8.30 pg .Siap2 nakgi kijo huje..mujolah mari kijo tok basoh..Allah taala maha kaya time aku nak naik muto, huje pun berenti...aaaah alhamdulillah selamat.